Поправете го држењето на телото
Згрбавете се и Вашиот стомак се надвиснува. Затоа, исправете се и сте им направиле на Вашите стомачни мускули услуга без капка пот. За подобар став при стоење, израмнете ја линијата на ушите со рамењата, рамењата со колковите, а колковите со колената и глуждовите. Држете ги рамењата како да се закачалка за кошулата која ја носите. Исправете го ‘рбетниот столб и распоредете ја тежината на телото рамномерно врз стапалата.
Не ги запоставувајте другите мускулни групи
Не се внесувајте толку многу во подобрување на стомачната мускулатура со тоа што ќе ги заборавите другите мускулни групи. Централни мускули се и глутеусите на задникот и грбните мускули. Пилатесот е еден од начините да ги вежбате овие групи на мускули, плус мускулите на рацете и нозете.
Поставете си реални цели
Вашите гени може да играат улога во формата на Вашето тело, но тоа нека не ви биде изговор да не се потрудите и да го фатите правецот накај кујната. Вашите цели треба да бидат реални и да се фокусирате на Вашето тело а не на некоја идеализирана слика. Може ве мотивораат абдоминалните мускули на некои манекенки или спортистки, но не треба да очекувата дека и Вашите ќе бидат баш исти.
Пробајте ја вежбата “веслање на кајак”
Застанете исправено, нозете оддвоени, прекрстете ги прстите за да можете цврсто да ги стегнете рацете. Издишете и помрднете ги целосно рацете со рамењата и градниот кош на лево како да замавнувате со весло на кајак. Симултано, кренета ја левата нога свиткана во коленото и насочете накај Вашата десна страна. Издишете и повторно направете ја вежбата, но овојпат обратно. Се препорачуваат минимум 20 повторувања на вежбата.
Симулација на мачкин удар
Застанете исправено со рацете раширени како авионски крилја. Издишете и кренете ја десната нога во исправена позиција. Во исто време замавнете со рацете нанапред. Издишете, и отворете ги „крилјата” и вратете ја ногата во почетна позиција. Повторете го ова 20 пати наизменично со двете нозе.
Испитајте ја Вашата исхрана
Можете да правите стомачни вежби додека не паднете во безсознание, но ако имате екстра масно ткиво околу стомакот, стомачните мускули нема да се покажат. За да се намали стомакот, треба да внимавате што јадете и колку сте активни. Со други зборови, јадете помалку, движете се повеќе и потрошете ги калориите паметно.
Помошните справи се дозволени
Топки за пилатес, тегови и членство во локалната теретана, можат да бидат одлична идеја, но тие не се неопходни за јаки стомачни мускули. Дури и во извршување на секојдневните активности – прошетка, стоење во ред пред каса или стоење на некоја коктел забава – можете да ги активирате стомачните мускули со исправен став на телото.
Не брзајте
Не постојат брзи поправки. Дури и некои брзи поправки што ветуваат многу, на крај испаѓаат дека се привремени. Планирајте бавна и стабилна прогресија и бидете подготвени за заостанувања и по некоја фрустрација. Наградата ќе дојде со време и упорност.